Rregullorja ju mundëson mënyrën e përfitimit të kuponit-ave blerës gjatë
shit-blerjeve të përditshme që ju i bëni në bizneset anëtare të këtij
Aplikacioni.
Rritjen e numrit të bizneseve mund ta bëni edhe ju nëse bëni blerje në një
biznes i cili nuk është anëtarësuar ende në Aplikacionin tonë duke i
sugjeruar që këtë ta bëjë nëse e vlerëson edhe si interes të tij.
Me rastin e regjistrimit, të dhënat e juaja i paraqitni të sakta. Me
rëndësi të veçantë është numri unik i letërnjoftimit, emri dhe mbiemri,
numri i tel., të konfirmoni numrin e Viber, watscAap adresa elektronike
(e-mail), adresa etj.
Pas aplikimit për anëtarësim, ju do të merrni një email njoftues ku mund
t’i shihni sërish të dhënat e juaja e ku e keni mundësinë t’i korrigjoni
apo ndryshoni nëse ato nuk janë të sakta. Admini do t’ju njoftoj për
pranimin e kërkesës suaj, në të cilën do të keni edhe linkun për kyçjen e
parë. Nëpërmjet kyçjes së parë, ju konfirmoni se ajo email është zyrtare
dhe të gjitha njoftimet në të ardhmen do t’ju arrijnë në atë adresë.
Bashkëlidhur në atë email do të pranoni QR Codin e juaj unik të cilin mund
ta skenoni, kopjoni apo printoni dhe nëse dëshironi mund edhe ta
shpërndani për anëtarët tjerë të familjes suaj. Atë mund ta përdorni
bashkarisht gjatë blerjeve që i bënë secili nga ju pavarësisht, në mënyrë
që të përfitoni sa më parë kuponin blerës prej 50.00€. Kuponin blerës mund
ta shfrytëzoni vetëm ju duke dëshmuar me dokument zyrtar identifikues-si,
letërnjoftim, apo dokument tjetër identifikues të pranueshëm sipas Ligjeve
të Republikës së Kosovës. Për këtë do të njoftoheni më saktësisht kur të
pranoni kuponin blerës, i cili është i vlefshëm vetëm për një blerje. Me
këtë QR Cod ju evidentoni dhe konfirmoni blerjet që i bëni në bizneset që
janë anëtarsuar në platformën ansWer.
Për çdo ndryshim eventual të të dhënave tuaja, lajmëroni adminin nëpërmjet
email me të cilën jeni kontaktuar gjatë regjistrimit dhe konfirmimit për
regjistrim.
Në çdo blerje që e bëni te bizneset që i gjeni në listën tonë, ju do të
përfitoni një zbritje e cila do të akumulohet në formë pikësh. Pasi të
keni përfunduar blerjen, ju duhet të tregoni QR Codin e juaj. Mos u
largoni nga arka, derisa punonjësi-ja të mos përfundoj evidentiminei
blerjes që e keni bërë në Aplikacionin e tij (saj). Për këtë blerje do të
njoftoheni në email adresën e juaj të regjistrimit. Kjo ka rëndësi për ju
ngase çdo blerje hyn në garë për shpërblime në të ardhmen, pavarësisht nga
shuma e saj, qoftë ajo edhe në eurocent. Kushtin e fitimit të kuponit mund
të mos e arrini edhe për një shumë minimale prej 1centi (0.01€), prandaj
insistoni në evidentim të sakt dhe real të çdo blerjeje.
Kuponin blerës në vlerë prej 50.00€, e arrini kur të keni bërë shumën e
përbashkët të blerjeve (tuaja apo familjare) totale prej 2.000€. Këtë
shumë duhet t’a arrini maksimum për 120 ditë (përafërsisht 4 muaj) nga
data e blerjes së parë. Pas këtij afati fillon llogaritja e pikëve nga
fillimi (nga zeroja) dhe ju mund të grumbulloni pikët për kupon të ri që
vlen me të njëjtat kushte si më lartë.
Kuponin blerës mund ta fitoni edhe nëse keni bërë blerje të shumës së
lartëcekur, përgjatë një dite, jave apo muaji. Me atë rast fillon
evidentimi i blerjeve të radhës që janë të vlefshme për fillimin e
grumbullimit të pikëve për kuponin vijues.
Të gjithë ata persona që përdorin QR Codin e juaj, në data bazën
tonë evidentohen si blerje e juaj dhe pikët grumbullohen në llogarinë
tuaj. Ne nuk mund të dëshmojmë se kush e ka përdor atë.
Prandaj, të keni kujdes që blerjet të mos e kalojnë shumën e hyrjeve (të
ardhurave) të familjes suaj. Për këtë përgjegjësinë e mbani ju, për çdo
kontrollë eventuale të brendshme apo të jashtme.
Numri i fituar i kuponëve nuk është i kufizuar, por siç u cek më lartë
duhet të jetë në përputhje me të hyrat e juaja familjare. Në rast të
verifikimit të tyre përgjegjësinë e mbani ju.
Afatin për të bërë blerje me kuponin e fituar e keni 30 ditë nga dita kur
e pranoni atë. Për këtë dhe kushtet tjera noftoheni nëpërmjet e-mail.
Për çdo blerje që e bëni ju duhet të ruani dëshminë e blerjes ngase në
rast të paraqitjes së kërkesës për arsyetim ta dëshmoni atë. Kjo bëhet për
shkak të mos dhënies së mundësisë së blerjeve fiktive, me të cialt mund të
dëmtohet cilado palë.
Me rastin e pranimit të kuponit blerës i cili mund të përdoret vetëm një
herë, ju do të njoftoheni detalisht për mënyrën e përdorimit të tij.
Çdo përpjeke për keqëpërdorim eventual të çfardo mënyre me këtë
anëtarësim, përgjegjësinë e mbani ju dhe vendimin e marrin organet
kompetente të Republikës së Kosovës.
Anëtarsimi juaj do të jetë i plotë dhe për momentin është plotësisht
falas. Nëse ka ndryshim në të ardhmen ju do të njoftoheni me kohë
nëpërmjet email apo formave të tjera.
Kompania jonë në bashkëpunim me bizneset mund të organizoj edhe
mënyra tjera shpërblyese për ju, ku do të njoftoheni nëpërmjet email
adresës suaj alektronike dhe aplikacionit tonë: www.answer-rks.com, si dhe
formave tjera informuese.
Kjo rregullore është trepalëshe e lidhur në formë kontrate bashkëpunimi në
mes: jush si blerës, biznesit dhe ansWer si ndërmjetësues.
Të gjitha kontestet juridike eventuale zgjidhen nëpërmjet Gjykatave
të Republikës së kosovës.
Me aprovim në butonin përkatës të formës së regjistrimit, ju pranoni këtë
rregullore.
Aplikacioni
ansWer
